Ulahi na ang tanan...gi bijaan nako nila. Ahong pamilya tu-a na tanan sa bohol. Ako ra tawun usa nabilin diri sa balay. Nag inusara gyud ko. Wa ko naka-uban tungod sa akong summer class. Mag sakripisyo nalang sa ta ani gamay kay asa ra man ng bakasyon kung mahuman ra ta ug skwela unja maka trabaho diba? Pero maajo jud nang mu uli ka sa Bohol basta Mayo kay tibuok bulan sa Mayo pista didto. Atong 24 ra ang pista sa Canduao, Valencia, bohol. Samtang nag happy2x ahong pamilya ug kaparyentihan didto, ako tawun diri, grabe ang tuon kay final exam nako sa chemistry anang adlawa. Sila didto nabusog ug kinaon sa humba,chicharon, ug litson samtang ako, delata lang tawun ang sud-an. (pagka-luoy sab nako oi). Ga mantika na ilang simod did2 sa kinaon ug humba. sus, kung nahuman lang unta akong klase anang 21, ni uban na unta ko sa ahong Papa padung Bohol. sus, ganiha kadungog ko naai nag storya ug binol-anon "ija ija aho aho". Kahinumdom nuon ko sa akong mga ig-agaw na tua sa canduao. pwerte daw nilang biboha dito..swimming2x and tour2x daw sila didto. samtang ako, ni-a ra tawun sa bai. di ko maka suroy2x kay tawun, jamo lagi kwarta. ga daginot pud ko'g kwarta. Ahay...maka mingaw oi. halos kada Mayo ko ga uli sa bohol pero karon lang tuiga wa ko kauli...ahay...Maka mingaw gyud oi. Gi mingaw ko sa akong lola/nanay. I'm sure gi mingaw pud to sa ako. Sus...maka hinumdom jud o niadtong bata pa ako. Inig tig bakasyon na gani kay malipay gyud ko. excited gyud daw ko mo uli sa bohol. tsada kaayo isakay sa barko ba...malingaw pud ko didto kay halos kada adlaw mi maligo ug dagat kay ang bai sa akong lola daplin ra sa baybay. unja, mamasol kuno daw mi inig kahapon. malingaw jud mi sa akong mga ig-agaw ug pamasol sa bato-bato. Maski init kaajo, magpa bulad gajud mi sa adlaw basta lang maka pamasol ug kinason, uwang, balat, ug unsa pa diha. Unja inig ka ngit2x na, mu sud na dajun mi sa bai...ipaluto namo kay lola/nanay ang mga kinason ug uwang. unja pagka taod2x...andam na ang panihapon.
Mag announce dajun na akong nanay ug: "Ali na mga bata, manihapon na kita."
hala, mag lumba dajun mi ug dong sa lamisa para manihapon. wow...lami jamo ang init na sabaw nga kinason ug uwang. Hala sige, higop! Ahh...panington jud mig higop sa sabaw bah...sus, gamay jamu raman tong lamisa sa kusina pero maigo man mi didto...ang uban kay sa sala nalang. sus...simple ra kaayo didto bah pero malipayon gajud kami. Mahimuot jud ko ug lantaw sa amo nga galaray ug lingkod sa taas nga lingkuranan.
Unya inig adlaw na sa piyesta, manimba jud mi tanan...magpasalamat sa grasya nga nadawat. unya inig human sa misa, mamaklay padung sa bai. pero ang ganahan nako kay wa pa gani ka niabot sa imung bai, mabusog kana. tawgon ka sa silingan ug imbitahon ka ug kaon. nah! mabuhi mo bisan pa og wala moy kaliwat didtu kay pakan on jud mo bisan wla mo ilhi.
Hay naku..maka-mingaw jud ai...Ma himuot pa jud ko paminaw sa mga tiguwang didto oi. Kini lagi ilang inistoryahan na ija-ija aho-aho. Ahay...pinagahi nga malumanay. di ko kabalo unsaon pag describe ilang inistoryahan didto. basta, ganahan jud ko maminaw. (Nindot nga maugkat ang mga natug tang mga pulong sa kaban.) :) Nindot kaajo paminawon ilang pinulongan didto bah.
"Ang Kabajo naggujod-gujod ug bajeng nagdag pajong nga ninja ray makapatay". haha. mahimuot jud ko basi ani bah.
basta kai ang ilang "y" mahimong "j". sama sa:
layo-lajo
kabayo-kabajo
iya-ija
sakyanan-sakjanan
siya-sija
ni-a pa:
balay-bai
balod-bawud
ulan-uwan
naa pai conversation na:
bisaya: Sano, uli na ka sa inyo?
bol-anon: Oo.
bisaya: Naa may bagyo?
bol-anon: May mag bagjo ang sakjan!
bisaya: Unya inig malunod?
bol-anon: May mag aho!
Sus, mga bol-anon mo uli jud sa Bohol inig mu abot na ang petsa sa Mayo kay lagi pista na sa lungsod..(sakto ba?)Ang buwan sa mayo sugod sa 1 hangtod 31 puro pista sa tibuok bohol. only in bohol ra nga ang pista di kinahanglan imbitar2 bisan di kaila makakaon jud ka. Sus, maski usa ka kabulan didto mabusog gyud ka kay kada adlaw naai pista. Nah, basta pista gani pangandaman jud na sa ahong nanay/lola. kay kung pista, mag ihaw jud sila ug baboy. magtumba ug kabaw..nah...klase klase dayun ang putahe!!! (gigutom na hinuon ko. Nag imagine ko ug chicharon nga kadtong crispy panit). Unya sa pista, bisan kinsa rai bisita. maski dili kaila, hala imbitara!! unya, naa pud magdala ug silopin para bh. sus...maayo lang kung naai isod. haha. mga bisita pud, hala, hastang sinawa sa simod gamantika! sus, high blaron man pud ta didto oi kay lagi humba ug tambok ang sud-an. ehehe. Ug naa pajud silay gitawag na balbacua. Panit sa kabaw na gibuwad ug pila ka adlaw. Mahimuot nalang gyud ko ug hinumdom sa mi-agi nga mga pista didto sa canduao.
mao nga manguli jud ang bol-anon kay da pud reunion. Usa pud, panaad sa mga patron. Nah, maunlod gyud ang isla sa kadaghan sa tawo. hahaha. Mao ganing puno2x jud ang pasahero inig Mayo kay manguli na sa Bohol ang mga bol-anon. Tradition na gyud na nila.
unya inig uli nila...daghan sila ug dala. mas bug-at pa kasya adtong ni dong sila sa bohol. alangan, nag bh gud...bh ug humba, mantika hinilisan ug syempre, ang kalamay! sus, ang uban man gani magda jud ug usang sako na kalamay para pasalubong. Nah! lahi ra gyud sila didto. murag dili man pud kumpleto imong pag bisita dito inig pag uli nimo jamo kay dala na kalamay. Sus, inig naa gani mularga sa bohol manugon dayun ug: pagdala bya ug kalamay inig uli nimo ha? Mao ng, magda jud ug calamay para pasalubong. :) Lami jud mu uli ug bohol ai. ganiha ra jud ko cge ug hisgot ani.
istoryahan tamo, lahi lahi ug tonada ang mga tawo didto. naai pinagahi naa poy pinahinay...basta, mao nai ingon sa akong clasmyt na taga Bohol gyud. matud niya, mga taga valencia daw kay pinahinay mu storya. in other words, malumanay. Kahinumdom ko sa akong isa pa ka lola na malumanay mag storya. "diin na ahong tsinelas dai? ha-in na kadtong mako naho na tsinelas?"
Mutubag pud dayun ko ug: "Wa ko kahibawo ug sani ra to." wahaha.
nahh...samut nako gi-mingaw sa ila didto. sagdi lang...mu uli ra unya ko puhon digto(sunod tuig puhon) maluoy ang Ginoo.
Sus...ayha pa naho namatikdan na taas naman diay kining akong gipang hisgot diri. Epekto kani sa pagka mingaw nako....Mo uli ra lagi ko puhon and i'll make sure na magpabusog ko ug kaon sa humba, bola2x, lechon ug chicharon!!!!
SEE YOU IN BOHOL!!!
>>inig makabasa mo ani...sabta nalang ninyo ahong gipang hisgot. :)
